ÜST may ayında İngiltərədə rast gəlinən meymunçiçəyi virusuna görə “qırmızı xəbərdarlıq” verdi.
Medianews.az xəbər verir ki, Ümumdünya Səhiyyə Təşkilatı tərəfindən verilən “qırmızı xəbərdarlıq” (qlobal fövqəladə vəziyyət) pandemiyadan əvvəl növbəti addım deməkdir.
İndiyə qədər dünyada 16 min insanın yoluxduğu meymunçiçəyi virusundan 5 ölüm hadisəsi qeydə alınıb.
Türkiyədə Elmi Komitənin üzvü və KLİMİK Assosiasiyasının prezidenti Serap Şimşək virusla bağlı bu fikirləri səsləndirib: “Ümumdünya Səhiyyə Təşkilatının qərarını düzgün hesab edirəm. Riskli qruplara yayıldıqda nəticələrinin ağır ola biləcəyi üçün belə bir tədbir görüldü. Risk qrupları immuniteti zəif olan insanlar və uşaqlardır. Bu qərarın əsas məqsədi dövlətləri xəbərdar etməkdir. Türkiyədə mənim bildiyim 2 hadisə var. Hazırda yayıldığı insanları tez tapsaq və yaxın təmasda olanları peyvənd etsək, risk qrupları da nəzarət altına alına bilər. Virusun cinsi əlaqə zamanı keçdiyi güman edilir. Adətən homoseksual əlaqədə olan insanlarda müşahidə olunur. Amma digər qruplara da keçə bilər”.
Ankara Universiteti Tibb Fakültəsi Yoluxucu Xəstəliklər Elm sahəsi Başçısı İsmail Balık meymunçiçəyi həyəcanı ilə bağlı bu məlumatları verib:
“Pandemiya qərarı açıqlansaydı, bunun erkən olduğunu söyləyə bilərdik, amma mən bunu faydalı hesab edirəm, çünki bu qərar xəstəliyin yayılmasında ön sıralarda olan risk qruplarına diqqət çəkəcək. İnsanlar daha diqqətli ola bilərlər”.
Leyla, Medianews.az