Xalq artisti Röya Ayxanın qardaşı İsmayılın toyunda geyindiyi libası başına bəla olub.
Medianews.az xəbər verir ki, üzəri çoxsaylı daş-qaşla bəzədilən geyim ağır olduğundan müğənninin bədənində izlər qoyub.
Bu haqda Röya özü sosial şəbəkə hesabında bildirib. Müğənni boyun hissəsindəki izlərini göstərərək libasının onu boğduğunu bildirib:
“Gözəl paltar idi, amma onu daşıya bilməmişəm. Elə bil ki məni boğublar. Eybi yox, gözəllik qurban tələb edir”.
Qeyd edək ki, Xalq artistinin uzun və dərin sinə dekolteli libasının “Givenchy” markasının oxşarı olduğu üzə çıxıb. Həmin geyim yerli atelyelərdən birində hazırlanıb.