NATO danışıqları vaxtı PKK/YPG tərəfdarları küçələrə axışdı

Türkiyə, İsveç və Finlandiya arasında NATO-ya üzvlüklə bağlı danışıqlar davam edərkən, terror təşkilatı PKK/YPG tərəfdarları İsveçin Göteborq şəhərində terror təşkilatını simvolizə edən payraqlar və terror təşkilatının lideri Öcalanın plakatları ilə aksiya keçiriblər.

Medianews.az xəbər verir ki, prezidentin mətbuat katibi İbrahim Kalın və xarici işlər nazirinin müavini səfir Sedat Önal Belçikanın paytaxtı Brüsseldəki NATO Mərkəzi Qərargahında İsveç və Finlandiyanın NATO-ya üzvlük müraciətləri ilə başlayan və Türkiyənin veto qoyması ilə inkişaf edən proseslə bağlı danışıqlar aparıb.

Məlumatda bildirilir ki, Kalın və Önal təmaslarından sonra jurnalistlərlə görüşüb. Terror təşkilatlarının Finlandiya və İsveçdə qurduqları fəaliyyət zənciri ilə bu ölkələri əsir götürdüyünü ifadə edən Kalın, “bu terror təşkilatlarının Avropanın göbəyində sanki bunları ələ keçirirmiş kimi bir fəaliyyət zəncirində olması qəbuledilməzdir”,-deyə bildirib.

Leyla, Medianews.az