Yunanıstan televiziyasında Türkiyənin mümkün əməliyyatlarının qiymətləndirildiyi proqramda milli istehsal olan ballistik raket sistemi BORA-ya diqqət çəkilib.
Medianews.az xəbər verir ki, Mavi Vətən xəritəsinin də göstərildiyi proqramda BORA-nın diapazonunun Afinaya çata biləcəyi qeyd edilib.
Beynəlxalq müqavilələrə uyğun olaraq silahlanması lazım olan adaları əsgərlərlə təchiz edən Yunanıstanın bu hərəkəti Türkiyə cəbhəsində sərt cavab alıb.
Mövzu ilə bağlı açıqlamasında prezident Ərdoğan, “Sizi adaları silahlandırmaqdan əl çəkməyə dəvət edirəm, zarafat etmirəm, ciddi danışıram. Yunanıstanı təəssüflə nəticələnəcək xəyallardan uzaq durmağa, ağlını başına alması ilə bağlı xəbərdar edirəm”,-deyə bildirmişdi.
Bu xəbərdarlıqdan sonra Yunanıstan mediası Türkiyənin mümkün əməliyyatlarını az qala hər gün dəyərləndirir. Yunan televiziyasında milli istehsal olan ballistik raket sistemi BORA-nın danışıldığı proqramda diqqətçəkən ifadələr işlədilib. BORA-nın diapazonunun Afinaya çata bildiyi qeyd edilib və proqramda Mavi Vətən xəritəsi də göstərilib.
BORA NECƏ İSTİFADƏ EDİLİR?
Bora — Türkiyə istehsalı olan qısa mənzilli ballistik raketdir. Döyüş raketi Roketsan şirkəti tərəfindən hazırlanaraq 2017-ci ildən xidmətə qəbul edilib. INS və GPS başlıqlı olub, Belarus istehsalı olan MZKT-7909 8×8 yük maşını ilə daşınır. İxrac versiyası Kaan adı ilə tanınır. Daha uzun bir mənzilli bir versiyası olan Bora-2 isə hazırlanma mərhələsindədir. Lülə çapı 610 mm, döyüş başlığının çəkisi 470 kq, mühərriki TMZ-84631.10, əməliyyat mənzili 280 km, maksimum sürət 70 km/s, mərminin hədəfdən yayınma payı 30–50 m təşkil edir.
BORA XÜSUSİYYƏTLƏRİ
Türk müdafiə sənayesinin əhəmiyyətli gücləri arasında yer alan Bora Raketi aşağıdakı xüsusiyyətlərə malikdir:
Təsdiqlənmiş döyüş bacarığı
7/24 Bütün Hava və Ərazi Şəraitində İstifadə
Qısa atəş müddəti
Yüksək vuruş dəqiqliyi
Medianews.az