Media
Dünyanın ən şimal şəhəri olan Rusiyanın ucqar mədən şəhəri Norilskdə ilin son iki ayı qaranlıq və qorxunc keçir.
Medianews.az xəbər verir ki, dünyanın ən çirkli havası olan 10 şəhəri arasında yer alan Norliskdə çaylar qırmızı rəngdədir.
Rusiyanın şərqindəki Sibirin Krasnoyarsk diyarında 170 mindən çox insanın yaşadığı kiçik şəhər planetin ən ucqar şəhərlərindən biri sayılır. İnfrastrukturunu qurarkən 18.000 məhbusun öldüyü keçmiş sovet əsir düşərgəsinin üstündə tikilmiş Norilsk, avtomobil ilə getmək üçün çox uzaqdır. Norilskə gedən yollar demək olar ki, yoxdur.
Şəhərin içində və xaricində yalnız bir dəmir yolu xətti var və 40 mil uzaqlıqdakı liman şəhəri Dudinka qışda donsa da, qalan vaxtda dəniz yolu ilə şəhərə nəqliyyatı təmin edir. İl boyu yeganə çıxış yolu 1800 mil məsafədə yerləşən Moskvadan beş saatlıq uçuşla uçmaqdır.
Norilsk bu gün Rusiyanın ən çirkli şəhəridir və planetin 10 ən çirkli şəhəri siyahısındadır. Şəhərdəki Nikel zavodu hər il iki milyon tondan çox zəhərli qazlar, o cümlədən kükürd dioksidi, azot oksidləri, karbon, fenollar və s. havaya buraxır. 2016-cı ilin sentyabrında şəhərin yaxınlığındakı Daldıkan çayı qan qırmızıya çevrilmişdi. Bəzi yerli sakinlər bu hadisəni “Yaxınlaşan dünya müharibəsi ilə bağlı Allahın xəbərdarlığı” hesab edirdilər.
Zavodun keçmiş işçisi Yevgeni Belikov bildirir ki, obyektə yaxın olan su anbarı oxşar rəngdədir və işçilər onu “Qırmızı dəniz” kimi tanıyırlar. İşçinin dediyinə görə, qışda qar da qırmızı olur.
Şəhərdə çirklənmə səviyyəsi orta ömür müddətini 59 ilə qədər azaldır. Bölgədə xərçəng nisbətləri də Rusiyanın qalan hissəsindən iki dəfə çoxdur. Sağlamlıq araşdırması göstərir ki, Sibirdəki orta uşaqla müqayisədə Norilskdə uşaqlarda qan xəstəlikləri 44 faiz, sinir sistemi pozğunluqları 38 faiz, sümük və əzələ xəstəlikləri isə 28 faiz yüksəkdir.
20-ci əsrin əvvəllərində bölgədə zəngin yataqlar aşkar edilmişdi. Norilskdən bir qədər kənarda dünyanın ən böyük metallurgiya və dağ-mədən kompleksi yerləşir.
Medianews.az
