Fransız polisi türk əsilli gənci boğaraq öldürüb – ANBAAN VİDEO

Ailədaxili zorakılıq ittihamı ilə Fransa polisi tərəfindən saxlanılan türk əsilli Fransa vətəndaşı Merter Keskin boğularaq öldürülüb.

Medianews.az xəbər verir ki, hadisə ilə bağlı görüntülər ortaya çıxıb.

Yayılan videoda əllərinə qandal taxılaraq üzü üstə yerə uzadılan Merter Keskinin 5 fransız polisi tərəfindən zorakılığa məruz qaldığı açıq şəkildə əks olunub.

Kadrlarda eyni zamanda Merter Keskinin müqavimət göstərmədiyi və beş polisin də ona təzyiq göstərdiyi görünür. Uzun müddət təzyiqə məruz qalan Keskin bir müddət sonra hərəkətsiz qalıb. M.Keskinin hərəkətsiz yatdığını görən polis əvvəlcə onun nəbzini yoxlayıb. Daha sonra polislər onun cansız bədənini yerə uzadıblar.

Merter Keskinə tibbi ekspertiza rəyində onun nəfəs çatışmazlığından öldüyü və bədənində özünü müdafiə etməyə çalışdığına dair heç bir izin olmadığı bildirilib. Digər tərəfdən, Keskinin qolları ilə yanaşı başında və boynunda da qançırlar olduğu halda ekpertiza rəyində onun ürəyinin dayanması nəticəsində öldüyü qeyd edilib. Daha sonra onun qanında qeyri-qanuni maddələrin tapıldığı da bildirilib.

Medianews.az