ABŞ polisi Baydenə etiraz edən qadını şillələyib yerdə sürüdü – ANBAAN VİDEO

ABŞ-ın Los-Anceles şəhərində keçirilən Amerika Dövlətlərinin Sammiti etirazlarla başlayıb.

Medianews.az xəbər verir ki,  sammitdə iştirak etmək üçün şəhərə gələn ABŞ prezidenti Co Bayden karvanının keçidi zamanı xoşagəlməz sürprizlə qarşılaşıb.

ABŞ prezidenti Co Baydenin karvanının keçidi zamanı bir qadın əlində meqafonla etiraz etmək istəyib. Bu arada polisin qadını yerə yıxması və onun sərt reaksiyası kameralara düşüb. Maşınların keçidi zamanı əlindəki meqafonla reaksiyasını bildirən qadın Amerika polisinin sərt müdaxiləsinə məruz qalıb. Kameralara düşən görüntülərdə polisin sürətlə qaçdığı, konvoya yaxınlaşan nümayişçini yaxalayaraq yerə yıxdığı aydın şəkildə görünür.

Etirazçı qadın polisə müqavimət göstərmək istəyərkən ətrafdakılar mühafizəçinin münasibətinə reaksiya verib. Polisin qadına şillə vurması da kameralara düşüb. Digər polislər etirazçı qadının ətrafında təhlükəsizlik çevrəsi qurub. ABŞ polisi qadına qarşı uzun müddət zorakılıq etdikdən sonra onun qollarını qandallayaraq saxlayıb.

Medianews.az