Media
Rusiya parlamentinin aşağı palatası Duma Rusiyanın Ukraynaya hücumlarından sonra Rusiyada xarici xəbər agentliklərinin bağlanmasına icazə verən qanunu təsdiqləyib.
Medianews.az Rusiya mediasına istinadən xəbər verir ki, Qanun layihəsinə əsasən, qapalı xarici xəbər qurumlarına bağlı jurnalistlərin akkreditasiyası da ləğv ediləcək.
Duma deputatları qanun layihəsi ilə bağlı bildiriblər ki, mövcud geosiyasi vəziyyətdə KİV cəmiyyətin bilik statusuna təsir alətinə çevrilib: “Qərb dövlətlərinin Rusiya KİV-lərinə qarşı hərəkətlərinə eyni şəkildə cavab verə biləcəyik”
Rusiyalı deputat Andrey Luqovoy təsdiq edilən qanun layihəsi ilə bağlı açıqlamasında “Qərb dövlətlərinin Rusiya mediasına qarşı hərəkətlərinə eyni şəkildə cavab veriləcəyini bildirib: “Son 2 ayda qərb ölkələrində yayımlanan Rusiya KİV-lərinin həqiqətdən qorxduqları üçün qeyri-qanuni və qəti şəkildə sağlam düşüncəyə zidd olaraq dayandırıldığını müşahidə edə bilərik”.
Luqoyov onu da xatırladıb ki, bu qanun layihəsinə əsasən, baş prokuror və onun müavinlərinin həmin KİV-lərin yayım lisenziyasını ləğv etmək və ya onlara xitam vermək hüququ var.
Qanun layihəsi birinci oxunuşda qəbul edilib.
Dumada birinci oxunuşda qəbul edilən qanun layihəsi, həmçinin prokurorluq tərəfindən bağlanmış xəbər agentlikləri tərəfindən məqalə və ya digər materialların yayılmasını qadağan edir.
Qeyd edək ki, qanun layihəsinin qüvvəyə minməsi üçün onu Rusiya parlamentinin yuxarı palatası Federasiya Şurası təsdiq etməli, sonra isə Rusiya prezidenti Vladimir Putin imzalamalıdır.
Medianews.az
