Tacikistanın Dağlıq Bədəxşan Muxtar Vilayətinin inzibati mərkəzi Xoroq şəhərindəki etirazların təşkilində günahlandırılan Məmədbokir Məmədbokirov öldürülüb.
Redaktor.az “RİA Novosti”yə istinadən xəbər verir ki, Bu barədə Tacikistan Daxili İşlər Nazirliyinin mətbuat mərkəzindən məlumat verilib.
Onun mütəşəkkil cinayətkar qruplaşmanın lideri olduğu bildirilib.
“Məmmədbokirov daxili kriminal çəkişmələr nəticəsində öldürülüb”, – məlumatda qeyd edilib.
Xatırladaq ki, sözügedən şəxs Xoroqda iğtişaşların təşkilində, hökumət əleyhinə mitinqlərdə və Tacikistanı Çinlə birləşdirən Xoroq-Kulma beynəlxalq magistral yolunu bağlamaqda ittiham olunub.
Qeyd edək ki, uzun illər hüquq mühafizə orqanlarında çalışmış M.Məmədbokirov Tacikstanla Çin sərhəd zastavasının rəhbəri, Təhlükəsizlik Nazirliyinin polkovniki olub. Lakin bir neçə il əvvəl səbəbsiz olaraq istefaya göndərilən M.Məmədbokirov müxalifətə keçib.
Onun güllələnməsinin video görüntülərini təqdim edirik.