Rusiya prezidenti Vladimir Putinin son görüntüləri gündəm olub.
Medianews.az xəbər verir ki, Putin tacikistanlı həmkarı İmaməli Rəhmanı Kremldə qəbul edib və bu ikilinin görüş video lentə alınıb. Həmin görüşün görüntülərindən görünür ki, Rusiya prezidenti Putin davamlı olaraq ayağını silkələyir, sol ayağını qaldırıb aşağı salır və s.
Həmin görüntüləri Britaniya mətbuatı xüsusi olaraq paylaşıb və bu, Rusiya prezidentinin səhhəti ilə bağlı şayiələri daha da artırıb.
Videodanda görünür ki, Putinin ayaqları ilə hərəkətləri Tacikistan liderinin də diqqətini çəkir.
Qeyd edək ki, bu yaxınlarda səhiyyə ekspertləri, siyasətçilər və hətta mühacirətdə olan rus iş adamları da Putinin ciddi bir xəstəliklə mübarizə apardığını iddia edirdilər.
Hazırda Rusiya liderinin səhhəti ilə bağlı çoxlu fərziyyələr var. Hətta Putinin bir müddətdir Parkinsonla mübarizə apardığı da iddia edilir. Britaniya mətbuatı da ayaqlarındakı hərəkətliliyi məhz bununla əlaqələndirib. Bildirilib ki, Putinin bu görüntüləri Parkinson xəstələrinin tez-tez müşahidə etdiyi bir simptom olan “narahat ayaqlar sindromu”nu göstərir.
Leyla