Rusiyanın Ukraynaya hücumları davam edərkən, Rusiya ordusundan istefada olan polkovniki Mixail Xodarenok Rusiyanın dövlət televiziyası “Rossiya-1”də Olqa Skabeyevanın təqdim etdiyi “60 dəqiqə” proqramında Rusiyanın Ukraynaya hücumlarını tənqid edib.
Medianews.az xəbər verir ki, Ukraynadakı vəziyyətin Rusiya ordusu üçün pisləşdiyini dilə gətirən Xodarenok, “Ukrayna Qərbdən əlavə hərbi yardım aldığından Rusiya üçün vəziyyət açıq şəkildə pisləşir. Ukrayna ordusu 1 milyon ukraynalını silahlandıra bilər”,-deyə bildirib
Rusiyanın Ukraynadakı əməliyyatlarına görə bütün dünyanın onlara qarşı durduğunu bildirən Xodarenok, “Rusiyanın hərbi və siyasi vəziyyəti ilə bağlı ən böyük problem tam təcrid vəziyyətində olmağımız və bütün dünyanın bizə qarşı olmasıdır. Nə qədər etiraf etməkdən nifrət etsək də, bütün dünya həqiqətən bizə qarşıdır və biz bu vəziyyətdən çıxmalıyıq”,-deyə qeyd edib.
Xodarenokun sözləri studiyada “soyuq duş” effekti yaratsa da, verilişin aparıcısı Skabeyevanın dəfələrlə ehtiyatda olan polkovnikin sözünü kəsməyə çalışdığı görülüb.
Leyla