Media
Avropa İttifaqının (Aİ) İranla danışıqlar üzrə koordinatoru Enrike Mora Tehrandan qayıdarkən Frankfurt hava limanında saxlanılıb.
Medianews.az xəbər verir ki, İspaniya dövlətinin diplomatik pasportu ilə Almaniyaya daxil olan Mora Twitter mesajında Almaniya polisinin heç bir izahat vermədən onu qısa müddətə saxladığını, pasportu və telefonunun əlindən alındığını bildirib.
Mora qısa müddət sonra sərbəst buraxıldığını elan edib. Alman polisi Reuters-in məsələ ilə bağlı izahat tələbinə cavab verməyib.
İspaniyalı diplomat Almaniya hakimiyyətinin bəyanat verməməsini “diplomatların toxunulmazlığını nəzərdə tutan Vyana Konvensiyasının pozulması” kimi qiymətləndirib.
Xatırladaq ki, Mora bu həftə İranla 2015-ci il nüvə sazişini canlandırmaq üçün danışıqların bir hissəsi olaraq Tehranda rəsmilərlə görüşüb.
Aİ-nin xarici siyasət rəhbəri Josep Borell Moranın Tehrandakı təmaslarının müsbət olduğunu bildirib.
Leyla
