Media
Artan yoluxuculuq səbəbilə “omikron”un 3 yeni genovariantları artıq Ümumdünya Səhiyyə Təşkilatının (ÜST) diqqətini çəkib. Bildirilib ki, bu, COVID-19 infeksiyasının yenidən artımasına səbəb ola bilər.
Söhbət BA.4, BA.5 (yeni Cənubi Afrika “omikron”ları) və BA.2.12.1 (Nyu-York versiyası) koronavirus xətlərindən gedir.
“Məlumat var ki, BA.2.12.1 variantı ABŞ-da çox sürətlə yayılır və ümumiyyətlə virusun ən sürətlə yayılan variantı hesab olunur. Nyu-York, Nyu-Cersi və Konnektikut ştatlarında bu ştam artıq dominant sayılır və onun yalnız bu ərazi ilə məhdudlaşması ehtimalı azdır”, – alimlər deyib.
Alimlər bu qənaətə gəliblər ki, yeni variantlar kütləvi immunitet üçün problemə çevrilə bilər, çünki onlar gücləndirici peyvəndin effektivliyini şübhə altına alır. Bu o deməkdir ki, bu növlərlə pandemiyanın yeni dalğası başlaya bilər.
