Rusiya və Ukraynada baş verən hadisələr təkcə bu ölkələr üçün yox, həm də bu ölkələrlə iqtisadi əlaqələri olan dövlətlər üçün əhəmiyyətli dərəcədə narahatlıqlar yaradır.
Belə ki, bir müddət əvvəl bahalaşan çörəyin qiymətinin yenidən balaşacağı barədə məlumatlar dolaşır. Səbəb kimi isə Azərbaycanın ərzaqlıq buğdanın əsas hissəsini Rusiyadan alması göstərilir.
İqtisadçı Nemət Əliyev Medianews.az saytın açıqlaması zamanı bildirib ki, Rusiyanın ixracata məhdudiyyətlərin tətbiq olunması ilə bağlı qəbul etdiyi qərar başqa ölkələr kimi Azərbaycana da təsir edəcək.
“Azərbaycan ərzaqlıq buğdanın əsas hissəsini Rusiyadan idxal edir, buğda ixracatına da Rusiya böyük ehtimalla təsir göstərəcək.
Rusiya müəyyən məhsullar siyahısı hazırlayıb və həmin siyahıya düşən məhsulların Avrasiya İttifaqına daxil olan ölkələr və bir sıra xırda respublikalar istisna olmaqla, bütün ölkələrə ixracatı məhdudlaşdırılacaq. Böyük ehtimmalla yalnız məhdudlaşdırılmayacaq, həm də onlara böyük rüsumlar tətbiq olunacaq. Şübhəsiz ki, bu da Azərbaycanın idxalında müəyyən problemlər yaradacaq.
“Ehtiyacların hamısını Rusiyada idxalı hesabına konpensasiya etmək mümkün olcaqmı?“ bu birinci sualdır. Rusiya bu idxalı həyata keçirdəcəksə, o zaman tətbiq olunan rüsumlar hesabına Azərbaycana tədarük olunnan taxılın qiymətlərində əhəmiyyətli dərəcədə artımlar yaşanacaq. Bu əməliyyatların həyata keçirilməsi heç şübhəsiz ki, Azərbaycanda unun və çörəyin də qiymətinə təsir göstərəcək.
Bu Azərbaycan üçün ciddi narahatçılıqlar yaradır. Çünki çörəyin qiymət artımı ilə biz təzəlikcə şahid olmuşuq”.
Leyla
Medianews.az