Media
İzmirdə anası tərəfindən öldürülən gənc qadının istintaqı ilə bağlı iddianamədə həbsdə olan şübhəli Ayşe Vuralın cinayəti tək törətməsinin mümkün olmadığı, ata və qardaşın da cəzalandırılması tələb edilib.
Medianews.az Türkiyə mətbuatına istinadən xəbər verir ki, qətli törədən ananın açılamaları hər kəsi şoka saılb.
Ana Ayşə Vural ifadəsində “Zeynəbin ölümündən sonra müəyyən fasilələrlə yanına gedib dua etdim. Səhər saatlarında hadisəni həyat yoldaşıma və oğluma danışdım” deyib.
Ötən il mayın 17-də saat 13.00 radələrində Buca Polis İdarəsinə gələn 59 yaşlı Ayşə Vural qızı Zeynəb Vuralı özünün öldürdüyünü bildirərək təslim olmuşdu. O, təslim olan zaman həyat yoldaşının və oğlunun bu qətllə bağlı heç bir əlaqəsi olmadığını da bildirmişdi.
Bunun üzərinə sağlamlıq və polis qrupları Ayşə Vuralın Laləli rayonunda 5 mərtəbəli yaşayış binasının birinci mərtəbəsində yerləşən evinə gedib. Evə daxil olan qruplar Zeynəb Vuralın cansız bədənini yatağında tapıblar. Ayşə Vural, həyat yoldaşı və oğlu saxlanılıb. Sağlamlıq qruplarının araşdırmasında Zeynəb Vuralın boğularaq öldüyü müəyyən edilib. Prokurorun araşdırmasından sonra Zeynəb Vuralın cənazəsi yarılma üçün İzmir Ədli Tibb Qurumuna göndərilib. Yarılmadan sonra Zeynəb Vuralın cənazəsi torpağa tapşırılıb, anası Ayşə Vural isə həbs edilib. Saffet Vural və Ömər Vural məhkəmə nəzarəti şərti ilə sərbəst buraxılıb.
Ayşə Vural
Qətllə bağlı hazırlanan iddianamədə məhbus şübhəli Ayşə Vural ilə yanaşı, şübhəlilər Ömər Vural və Saffet Vural da cəza istənilib. İttiham aktında təqsirləndirilən şəxslərin ifadələri də yer alıb. Saxlanılan Ayşə Vural prokurorluğa verdiyi ifadəsində qızının narkotik aludəçisi olduğunu, narkotik tapmaq üçün oğurluq etdiyini, daim onları təhqir edib, zaman-zaman döydüyünü, əvvəllər də dəfələrlə qızından şikayət etdiyini bildirib.
Saffet Vural
Ayşə Vural, “Kompüter otağında olarkən mənə zəng etdi. Otaqda qusmuşdu, təmizləyərkən saçımdan tutdu. Məni öldürəcəyindən qorxdum və boynundakı yaylığından tutub çəkdim. Qızım möhkəm yerə yıxıldı. Yerdən tapdığım paketi ağzına basıb 3-5 dəqiqə belə saxladım. İlk öncə ölüb-ölmədiyini tam anlaya bilmədim. Bir neçə dəfə onun ovuclarından öpdüm. Daha sonra Ömərə zəng vurub Zeynəbin huşunu itirdiyini və onu yatızdırmasını dedim. Ömər Zeynəbi otağına apardı. Zeynəb dünyasını dəyişəndən sonra vaxtaşırı yanına gedib dua edirdim. Sonra hadisəni həyat yoldaşıma və oğluma danışdım və gedib təslim oldum”, – deyə onun ifadəsi ittiham aktında yer alıb.
Turan Oruc
Medianews.az
https://d.radikal.ru/d24/2201/18/04fd45dc8917.jpg
https://b.radikal.ru/b17/2201/fc/e0146f8337da.jpg
https://d.radikal.ru/d36/2201/65/94021ba12221.jpg
https://b.radikal.ru/b10/2201/aa/167cadd4a2bb.jpg
