Media
“YARAT” Müasir İncəsənət Mərkəzinin təsisçisi, Nərgiz Paşayevanın (Azərbaycanın birinci vitse-prezidentinin bacısı) qızı Aida Mahmudovanın Bakıda yeni restoranının açılışı olub.
“Qafqazinfo” xəbər verir ki, bir neçə gün əvvəl baş tutan açılışda prezidentin qızları Leyla və Arzu Əliyevalar, “AZAL” prezidenti Cahangir Əsgərovun qızı Cəmilə Əsgərova, mədəniyyət naziri Əbülfəz Qarayevin qızı Suad Qarayeva da iştirak ediblər.
Fransız mətbəxi və dəniz məhsulları təqdim edən “L’Avenue” adlı restoran Dövlət Bayraq Meydanında yerləşir.
Nərgiz Paşayeva virtualaz.org-a açıqlamasında bildirib ki, “L’Avenue” adlı restoranın yerləşdiyi obyekt Aida Mahmudovaya məxsus deyil. Onun sözlərinə görə, qızı oranı yalnız icarəyə götürüb və orada yaradıcılıq prosesinə başçılıq edir.
