“Qarabağ”ın baş məşqçisi Qurban Qurbanov Avropa Liqasının pley-off mərhələsi çərçivəsində İsveçrənin “Yanq Boyz” klubuna qarşı keçirdikləri ilk oyundan sonra fikirlərini bölüşüb.
AzVision.az klubun rəsmi saytına istinadən xəbər verir ki, ağdamlıların çalışdırıcısı 1:0 hesabıyla qalib gəldikləri görüşdən sonra bunları deyib:
“Cavab qarşılaşması bu oyundan da çətin olacaq. Rəqib bizə çox çətin anlar yaşatdı. “Yanq Boyz”un oyun üslubu bizə çox yad və çətin bir üslub idi. Bakıda daha fərqli oyun olacaq, rəqib 90 dəqiqə hücum edəcək. Rəqibin heyətində oyunun nəticəsini dəyişməyə qadir futbolçular var”.