Rusiyada uşaq məşq zamanı yıxılaraq ÖLDÜ

Moskva yaxınlığındakı İstrada məktəbli karate məşqi zamanı yıxılaraq ölüb.

Medianews.az xəbər verir ki, bu barədə “Shot Telegram” kanalı məlumat yayıb.

Yeniyetmə dərs zamanı xəstələnib. Yeddinci sinif şagirdi növbəti döyüşdən sonra məşqin sonunda huşunu itirib.

14 yaşlı tələbə təxminən altı ilə yaxın idi ki, karate ilə məşğul olub.

Hadisə yerinə gələn xilasedicilər yeniyetməni xilas edə bilməyiblər. Klubdan bildirilib ki, oğlan sağlam olub və son döyüş zamanı rəqibdən sərt zərbələr almayıb.

Yeddinci sinif şagirdi kiçik qardaşı ilə dərsə gedib.

Məktəblinin valideynlərinin məşqçiyə qarşı heç bir şikayəti yoxdur. Dedilər ki, müəllim yeniyetmənin tərbiyəçisi kimi çıxış edib və onlara yaxşı baxıb.