Camaat şəhərdə eşidilən qorxulu səslərdən narahat oldu

Böyük Britaniyada Tayron qraflığının Omaq şəhərinin sakinləri gecələr onları oyaq saxlayan sirli səs-küydən kütləvi şəkildə şikayət ediblər.

Medianews.az xəbər verir ki, əvvəlcə Təmlat yolunun ətrafında yaşayan sakinlər oktyabrın sonlarında qəribə monoton uğultu eşitməyə başlayıblar.

Lakin bir neçə həftədən sonra səslər demək olar ki, bütün şəhər sakinlərinin narahatlığına səbəb olub. Onlar bu fenomeni “adi şəhər səslərindən fərqli olaraq davamlı vızıltı və ya uğultu səsi” kimi təsvir edirlər.

Oma Şəhər Şurası müəmmalı səs-küylə oyaq saxlanılan vətəndaşlardan şikayətlər almağa davam edir. Müşavir Stiven Donnelli bildirib ki, səslərin mənbəyini müəyyən etmək üçün mümkün olan hər şey edilir, lakin hələlik heç bir nəticə açıqlanmır.

“Ola bilsin ki, bu fenomen mövsümi xarakter daşıyır və bir növ hava ilə bağlıdır. Ancaq bu cür hadisələri araşdırmaq çətindir, çünki birdən çox səbəb ola bilər”, – deyə rəsmi bildirilib.

Səs-küyün mənbəyini müəyyən etmək də çətindir, çünki o, geniş əraziyə yayılır. Hazırda araşdırma davam edir və Şəhər Şurası araşdırmaya kənardan mütəxəssisləri cəlb edəcəyinə söz verib.