30 sümüyünü sındıran məşhur aktyor DANIŞDI    

Qartəmizləyən maşının vurduğu və 30 sümüyü qırılan Hollivud aktyoru Ceremi Renner qəzadan sağalmasından danışıb.

Medianews.az xəbər verir ki, 52 yaşlı Renner on aylıq reabilitasiyanın nəticələrini göstərən bir dəqiqəlik video yayımlayıb. Videoda o, əvvəlcə dairəvi şəkildə tullanır, dizlərini yuxarı qaldırır, sonra isə sürətlə dik bir küçəyə qaçır.

“Bu, mənim bu məşqlərdə (xüsusilə də qaldırma) ilk cəhdim idi və bütün dəstəyinizə, ailəmə və dostlarımın dəstəyinə görə sevinc, ümid və minnətdarlıq yaşayıram” deyə məşhur sənətçi yazıb.

Renner daha əvvəl sağaldığı müddətdə bir çox müalicə variantını sınadığını söyləyib. O, peptid iynələri, IV damcıları alıb, kök hüceyrələr və ekzosomlarla enjekte edilib. Bundan əlavə, aktyor infraqırmızı işıq və buzlu suya batırılaraq müalicə olunub.

Qeyd edək ki, Renneri xəstəxana çarpayısına salan qəza 2023-cü ilin əvvəlində baş verib.