Ermənistan yeni gizli anti-Rusiya qətnaməsinə qoşulub?

Medianews.az Ordu.az-a istinadən xəbər verir ki, bunu erməni politoloq Beniamin Matevosyan deyib.

Matevosyan qeyd edib ki, Ermənistan tərəfi görüşlə bağlı mesaj yayarkən sadəcə olaraq Ermənistan-Ukrayna münasibətlərinin müzakirə edildiyini bildirib, halbuki Kiyevin təqdim etdiyi “Sülh qətnaməsi” Rusiya hakimiyyətini mühakimə etmək üçün xüsusi tribunalın yaradılmasını nəzərdə tutur.

Erməni politoloq Rusiyanın reaksiyasını nəzərə alaraq hesab edir ki, Ermənistan Malta konfransında iştirak etməklə Rusiya Prezidentini Haaqa Beynəlxalq Məhkəməsində mühakimə etməyə hazırlaşan Ukrayna qətnaməsinə qoşulduğunu təsdiqləyib.

Ermənistan parlamentinin sədri Alen Simonyan Ermənistan-Ukrayna əməkdaşlığına haqq qazandıran qeyd edib və bildirib ki, Rusiya Ermənistanla aktiv müharibədə olan Azərbaycana da milyardlarla dollarlıq silah satıb.

Matevosyan Simonyanın bəyanatını şərh edərək vurğulayıb ki, Rusiya həmişə strateji tarazlığı saxlamağa çalışıb, hətta Ermənistana pulsuz silah da verib.