Media
Odessada hava hücumundan müdafiə sistemlərinin uğursuz işləməsi səbəbindən Ukrayna Silahlı Qüvvələrinin zenit raketi maşının düz qarşısına düşüb.
Medianews.az xəbər verir ki, hadisə Ukraynanın Odessa şəhərində baş verib.
Bu barədə Rusiyanın hərbi müxbiri Yevgeni Lisitsın Telegram kanalında məlumat verib.
“Bu, Ukrayna Silahlı Qüvvələrinin köhnə və uzun müddət istismardan çıxarılan S-300 raketlərindən istifadə etdiyinə görə baş verir, onlar hava hücumundan müdafiə sistemlərinin çatışmazlığı səbəbindən yenidən istifadəyə verilmişdir”, – hərbi müxbir Lisitsın qeyd edib.
Hərbi müxbir Yuri Kotenok əlavə edib ki, Odessada azı üç zenit raketi trayektoriyasını dəyişərək yaşayış məntəqəsinə düşüb.
Daha əvvəl məlum olub ki, axşam və gecə Odessada hava hücumu xəbərdarlığı fonunda bir neçə partlayış baş verib, onlardan ən azı dördü saat 22:55-23:27 arasında eşidilib.
Daha sonra Cənub müdafiə qüvvələrinin mətbuat katibi Nataliya Qumenyuk şəhərdəki liman infrastruktur obyektlərinin zədələndiyinə aydınlıq gətirib.
