Bu ölkənin paytaxtında atışma GEDİR

Şənbə günü səhər saatlarından etibarən Qvineyanın paytaxtı Konakrinin mərkəzində atışma səsləri eşidilir.

Medianews.az xəbər verir ki, şəhərin mərkəzi ərazisi xüsusi təyinatlılar tərəfindən mühasirəyə alınıb.

Avtomatik silahlardan atılan atəş səsləri prezident və hökumət administrasiyaları, ordunun baş qərargahı və bir sıra ştatların səfirliklərinin yerləşdiyi Kalum rayonunda eşidilir.

Mərkəzi həbsxana eyni ərazidə yerləşir və Konakridən gələn məlumatlara görə, ona ağır silahlı naməlum şəxslər tərəfindən hücum edilib.

Xüsusilə, 2008-ci ildə ölkədə hərbi çevriliş təşkil etmiş və 2010-cu ilin yanvarına qədər ölkə prezidenti olmuş Musa Kamara bu həbsxanada saxlanılır.

Qeyd edək ki, ölkə hakimiyyəti baş verənləri hələ şərh etməyib.