Media
Türkiyədə Ali Apellyasiya Məhkəməsinin 9-cu Mülki Kollegiyası həmkarlarına böhtan və dedi-qodular yağdıran işçinin təzminat almadan işdən çıxarılmasına yol açıb. Qərarı dəyərləndirən hüquqşünaslar deyirlər ki, hətta dedi-qodu mühitindən belə qaçmaq lazımdır, əks halda bu, vəziyyəti təsdiqləmək deməkdir.
Medianews.az Tribunainfo.az-a istinadən xəbər verir ki, gecə gözətçisi kimi iş yerindən qovulan işçi işdən çıxarılma və bildiriş pulu almaq üçün Əmək Məhkəməsinə müraciət edib. İşəgötürən işçinin işini düzgün və vicdanla yerinə yetirmədiyini, qeybət etdiyini və işçiləri bir-birinə qarşı qoyduğunu, şifahi qaydalara baxmayaraq davranışını davam etdirdiyini iddia edib.
Bəs, hüquqşünaslar bu qərara nə deyir, hansı məsələlər qeybət sayılır?
Vəkil Hadi Dündar qərarın məqsədəuyğun olduğunu bildirir və iş yeri mühitinin dinc olması lazım olduğunu izah edir. Dündar, “İş yerində dedi-qodu edən bir işçi işəgötürən üçün haqlı səbəblə işdən çıxarma səbəbidir. Bu davranışı ilə işçi iş yerinin dincliyini və iş qaydasını pozur, dürüstlük və sədaqətə uyğun gəlməyən davranışlar sərgiləyir. Belə işçinin davranışı işəgötürənə işçini əvəzsiz işdən azad etmək hüququ verir. Əmək hüququ 25-ci maddə daxilində müqaviləyə xitam verilə bilər.
