Media
HƏMAS silahlıları tərəfindən əsir götürülən Almaniya vətəndaşı 22 yaşlı Şani Luq xəstəxanada dünyasını dəyişib.
Medianews.az xəbər verir ki, Şaninin Həmas üzvləri tərəfindən ələ keçirilən görüntüləri demək olar ki, bütün dünyaya yayılıb.
Çoxları onun öldüyünü düşünürdü. Lakin anasının sonradan xəbər verdiyi kimi, Şani çoxsaylı sınıqlara və digər ciddi xəsarətlərə baxmayaraq sağ qalıb.
Şani Luk üç həftədən çox xəstəxanada idi və bu gün onun ölümü məlum olub.
Həmin bədbəxt gündə Şani və sevgilisi Qəzza zolağı ilə sərhəddə yerləşən mənzərəli yerdə keçirilən festivala gediblər.
Hadisənin qızğın vaxtında HƏMAS yaraqlıları əraziyə daxil olub və orada olanlara qarşı fərq qoymadan atəş açmağa başlayıblar.
Nəticədə 260-dan çox insan həlak olub, onlarla insan girov götürülüb.
Qızın sevgilisinin taleyi hələlik məlum deyil.
Şani Luk atası ilə İsraildə yaşayıb və dünyanı çox gəzib.
Qızın anası Almaniyada məskunlaşıb.
Luk bir neçə ay əvvəl şəxsi bloqunda “Həyat bir nemətdir. Təbiətdə ruhumla, kainatla və Tanrımla, dənizlə, ağaclarla əlaqə qurmaq mənim üçün daha asandır. Onların özünəməxsus mahnısı var və buna görə də biz birlikdə dua edirik. Allah istədiyin hər şeyi sənə verəcəkdir” – yazısını yerləşdirib.
