Media
Belçikanın paytaxtı Brüsseldə silahlı hücumda şübhəli bilinən şəxs polis tərəfindən güllələnib.
Medinaews.az xəbər verir ki, Daxili İşlər Naziri Annelies Verlindenin verdiyi açıqlamaya görə, şübhəli səhər saatlarında güllələnərək yaxalanıb və ağır xəsarətlərlə xəstəxanaya yerləşdirilib.
Mətbuatda yer alan məlumata görə, şübhəli şəxs Verboekhoven meydanı yaxınlığındakı kafedə görüntülənib və istifadə etdiyi silahla yaxalanıb.
Son məlumatlara görə, həmin şəxsin ölüm xəbəri öz təsdiqini tapıb. Bu barədə Belçika Federal Böhran Mərkəzi “X” sosial şəbəkəsində bildirib. Məlumata görə onun kimliyi də artıq müəyyənləşdirilib.
Qeyd edək ki, ötən gecə AVRO-2024-ün seçmə mərhələsi çərçivəsində Belçika və İsveç milli komandaları arasında matçın keçirildiyi stadiondan 5 kilometr aralıda, şəhərin mərkəzində bir nəfər təsadüfi atəş açaraq iki isveçlini öldürüb.
Medinaews.az
