Media
Siqareti atmaq istəyənlərə alternativ olaraq təklif edilən elektron siqaretlər daha çox təhlükəli hesab olunur.
Medianews.az xəbər verir ki, bu barədə türk həkim Dr. Özcan Oğurlu insanlara xəbərdarlıq edib.
“NİKOTİN İLƏ BİRLİKDƏ ÇOX XARİCİ MADDƏLƏR TƏRKİBİDİR”
Elektron siqaretlərin də tərkibində nikotin olduğunu bildirən həkim Dr. Özcan Oğurlu deyib:
“Elektron siqaretlərdə nikotindən əlavə, ağciyərlərin dərinliyinə gedən maddələr, ağciyər xəstəliklərinə bağlı kimyəvi dadlandırıcılar, kanserogen maddələr, nikel, qalay, qurğuşun kimi ağır metallar var. İstehlakçılar üçün bu məhsulların tərkibində nə olduğunu bilmək çətindir. Məsələn, sıfır faiz nikotin olduğunu iddia edən bəzi məhsulların tərkibində aparılan araşdırmalar nəticəsində nikotinin olduğu müəyyən edilib”.
“Ağciyər toxumasını zədələyə bilər”
“Məlumdur ki, məhsulların tərkibində mayeləşdirilmiş və qatılaşdırılmış nikotin var. Nikotin ciddi asılılıq yaratsa da, elektron siqaretlərdə nikotinin daha yüksək konsentrasiyalarda olması səbəbindən asılılıq sürətlə inkişaf edir. Bu səbəbdən istifadəçilər də siqaret çəkənlər kimi aludə olurlar və istifadə etmədikdə özlərini əskik hiss edirlər. Bundan əlavə, elektron siqaretlərin tərkibindəki ətir böyük ölçüdə zərərlidir. Bu ətir tənəffüs yolu ilə qəbul edildiyi üçün tez bir zamanda ağciyərlərə çatır. Bu, ağciyər toxumasına ciddi ziyan vura bilər. Hətta ağciyərlərin zədələnməsindən tutmuş reanimasiyaya qədər bəzi mənfi təsirlərə səbəb ola bilər”.
“BEYİN İNKİŞAFINA ZƏRƏR VERƏ BİLƏR”
“Bu məhsulların istifadəsi xüsusilə son beş ildə çox artıb. Gənclər adi siqaretdənsə belə məhsullara maraq göstərirlər. Ağciyər sağlamlığı ilə yanaşı, beyin inkişafı üçün kritik bir dövr olan yeniyetməlik dövründə bu məhsullardan istifadə etmək ciddi problem yarada bilər. Bu cür məhsullar beyin inkişafına ziyan vurur. Gənclər arasında maraq məhsullardakı ətirdən qaynaqlanır”.
Medianews.az
