20 gün öncə Xocavənddə 100 kisə qızıl necə “yoxa çıxıb?”

Qarabağda separatizmin ləğvindən sonra 60 milyon dram və 100 kisə qızıl oğurlanıb.

Musavat.com publika.az-a istinadən xəbər verir ki, Ermənistan istintaq komitəsi bununla bağlı cinayət işi açıb.

Bu pullar və qızıllar keçmiş separatçı rejimin qondarma bankına qoyulubmuş. Qarabağdan ermənilər çıxmağa başlayanda qondarma bankın “Xocavənd şöbəsinin” meneceri 22 sentyabr tarixində pulları və qızılları götürərək, şəxsi maşını ilə evinə aparıb. O, bir gün sonra – 23 sentyabrda qızıl və pulu Ermənistana aparmağı planlaşdırırmış. Lakin axşam naməlum şəxslər avtomobilinin şüşəsini sındıraraq, 100 kisə qızıl və 60 milyon dramı oğurlayıb.

Ermənistan hakimiyyəti separatçı rejimin ləğvindən sonra bu sərvəti dövlət büdcəsinə transfer etmək niyyətində olub, oğurluq hadisəsindən sonra isə bu mümkün olmayıb. Hazırda Ermənistanda istintaq davam edir.