Media
Avropanın ən böyük bankı Rusiya ilə işləməkdən imtina edib.
Medianews.az bu barədə Nikkei Asia xəbər verir.
Böyük Britaniyanın HSBC bank qrupu oktyabrın 27-dən Rusiya Federasiyası və Belarusiyadakı korporativ müştərilər üçün daxil olan və gedən köçürmələrə xidmət göstərməyi dayandıracaq.
Şirkət Rusiya Federasiyası və Belarusda əməliyyat risklərini minimuma endirməyi planlaşdırır.
Eyni zamanda, bank qrupu onların fəaliyyətinə qüvvədə olan qanun və qaydalarla icazə verilsə belə, yaxın gələcəkdə qərarını dəyişmək niyyətində deyil.
HSBC qərarı “mürəkkəb tənzimləmə mühiti”nin nəticəsi kimi dəyərləndirib.
Bundan əlavə, bank qrupunun nümayəndəsi qeyd edib ki, o, hələ də Rusiya aktivlərini yerli “Expobank”a satmağa çalışır.
Müqavilənin 2023-cü ilin sonuna qədər tamamlanacağı gözlənilir.
Medianews.az
