Media
Xəbər verdiyimiz kimi, Ermənistan ABŞ ilə birgə hərbi təlimlər keçirəcək. Ermənistan və ABŞ-ın birgə hərbi təlimləri sentyabrın 11-dən 20-dək Ermənistan ərazisində keçiriləcək. Məlumatda qeyd edilir ki, birgə təlimlərin məqsədi beynəlxalq sülhməramlı missiyalarda iştirak edən birləşmələrin qarşılıqlı fəaliyyət səviyyəsini artırmaq, komandanlıq-nəzarət və taktiki rabitə sahəsində qabaqcıl təcrübələri bölüşmək, o cümlədən Ermənistan bölməsinin planlaşdırılan döyüşlərə hazırlığını artırmaqdır. NATO-nun Avropa İnkişaf Komitəsinin sədri Günter Fehlinger bildirib ki, Ermənistan Şimali Atlantika Alyansına qoşulmalıdır. Həmin gün Ermənistan xarici işlər nazirinin müavini Vahan Kostanyan isə bəyan edib ki, ölkə NATO ilə müxtəlif formatlarda əməkdaşlıq edir və bu prosesi davam etdirməyə hazırdır.
Məhəmməd Əsədullazadə
Məsələyə münasibət bildirən siyasi şərhçi Məhəmməd Əsədullazadə Medianews.az –a bildirib ki, ABŞ və Ermənistan arasında birgə hərbi təlimlərin , xüsusilə Ermənistanın ərazisində keçirilməsi İrəvanın növbəti təxribatıdır:
“ Bu təlim həm də Ermənistanın Rusiyaya mesajıdır. Ermənistan Rusiya ilə hərbi təlimlərində iştirak etmir , amma ABŞ – la hərbi təlimlərdə iştirak edir. Ermənistan Rusiyanın orbitinə daxil olan ölkələrdəndir və bu bölgədə Rusiyanın hərbi bazası var. Ermənistanın baş naziri regiona Qərbi gətirmək istəyir. Çalışır ki, Qərbi burada gücləndirməklə Azərbaycana ciddi təzyiq formalaşdırsın. Bu, təhlükəli ssenaridir. Göründüyü kimi, Ermənistan rəhbərliyi İkinci Qarabağ müharibəsindən sonra təhlükəli ssenari ortaya qoyub”.
Siyasi şərhçi qeyd edib ki, Gürcüstan da vaxtikən Saakaşvili dövründə ABŞ -la hərbi təlimlər keçirdi və NATO ilə açıq əlaqələr qurdu:
“Nəticəsi isə hər kəsə bəllidir. Bu proseslər regiona xas olan əlamətlər deyil. Bölgəyə xas əlamətlərdən kənara çıxıldıqda gec-tez həmin lider məhv edilir. Saakaşvilinin aqibəti Paşinyanı gözləyir. Paşinyanın Cənubi Qafqazda Azərbaycanla sülhə deyil, gərginləşdirmə siyasəti ortaya qoyur. Bu hərbi təlimlər Azərbaycana qarşı koalisiya formalaşdırmaq siyasətinin də tərkib hissəsidir.
Ümumiyyətlə, Ermənistan müstəqil dövlət deyil. NATO isə demoktratik siyasi təşkilatdır. Ermənistanın NATO – ya üzv olması mümkün deyil. Paşinyanın siyasi taleyi də sual altındadır. Hesab edirəm ki, Ermənistanın baş naziri bir müddət sonra devrilib həbs ediləcək. Artıq bu kimi ssenarilərin həyata keçirilməsi təhlükəli hadisələrin olacağından xəbər verir. Azərbaycanla düşmənçilik siyasəti fonunda Ermənistanın bu addımı müsbət hal kimi görsənmir. Azərbaycanla sülh müqaviləsi bağlansaydı, bu hərbi təlimlərin Ermənistan üçün müsbət prespektivləri ola bilərdi. Lakin Azərbaycana qarşı ərazi iddiaları, Türkiyə ilə düşmənçilik Paşinyanın siyasi taleyi üçün qaranlıq olacaq”.
Mehin Mehmanqızı
Medianews.az
