Media
Türkiyə Texnologiya Komandası Vəqfinin TEKNOFEST sahəsində təşkil etdiyi seminarlarda maraqlı anlar yaşanır
Medianews.az xəbər verir ki, T3 Fondu və Sənaye və Texnologiya Nazirliyi tərəfindən təşkil edilən TEKNOFEST Etimesgut Hava Limanında qonaqlarını qəbul etməyə davam edir.
Ərazidə yaradılmış T3 Fondunun stendi də qonaqların ziyarət etdiyi məkanlardan olub. Burada açılan emalatxanalarda 8-18 yaşlı uşaqlar əylənərkən elm və texnologiya təhsili alırlar.
Bu çərçivədə “Dənəyap emalatxanası”nda tələbələrə dövrələr qurularaq, pərvanələrin köməyi ilə raket və təyyarələrin necə hazırlanacağı öyrədilir, “Dənəyap Kart Seminarı”nda proqram texnologiyaları haqqında məlumat verilir.
“Türkiyə Texnologiya Sahibkarlıq Mərkəzi”ndə tələbələrə yeni startap yaratmaq və sahibkarlıq barədə də məlumat verilir.
“Kəşf şəhərciyi”ndə uşaqlara robotlardan istifadə üzrə təlimlər keçirilir.
Digər tərəfdən, “Elmlər Akademiyası”nda azyaşlı uşaqlara elmi izah etmək, onlara sevdirmək məqsədilə müxtəlif tədbirlər təşkil olunur.
Bildirək ki, festival və stend öz ziyarətçilərini sentyabrın 3-dək qəbul etməyə davam edəcək.
Medianews.az
