“Coders Azerbaijan”-da məzun günü – FOTOLAR

Coders Azerbaijan tələbələrinin məzun günü baş tutub.

İki hissəli təqdimat mərasiminin birinci hissəsində İnnovasiya və Rəqəmsal İnkişaf Agentliyinin həyata keçiridiyi “Technest” Təqaüd Proqramının, “Coders Azerbaijan” tədris mərkəzinin, “USAID” və Qara Dəniz Əməkdaşlıq Fondunun birgə sosial layihəsi olan “Coders Caravan”ın bağlanış mərasimi baş tutub. Yekunu olaraq 15 məzun xanım final layihələrini təqdim ediblər. Həm nəzəri, həm də praktik əsaslı qurulmuş tədris proqramının sonunda hər bir tələbə karyera yönümlü dəstək əldə edib.

Təqdimatın ikinci hissəsində “Coders Azerbaijan” tələbələri yekun layihələrini nümayiş etdirib. Final layihələrini sərgi formasında təqdim edən 30-dan çox tələbə məzun adı qazanıb.

Qeyd edək ki, “Coders Azerbaijan” FrontEnd, BackEnd, Mobil Proqramlaşdırma, İT Biznes Analitik, Kiber Təhlükəszilik və Data Science istiqamətləri üzrə karyerasını qurmaq istəyən şəxslər üçün intensiv “bootcamp” formasında təlimlər həyata keçirən mərkəzdir.