Media
Rusiyanın Aya göndərdiyi kosmik gəmi qəzaya uğrayıb.
Medianews.az xəbər verir ki, Rusiyanın 47 ildən sonra ilk dəfə Aya göndərdiyi “Luna-25” kosmik gəmisinin idarəetmədən çıxaraq Ayın səthinə çırpıldığı açıqlanıb.
Məlumata görə, avqustun 11-də Rusiyanın Aya göndərdiyi “Luna-25” kosmik gəmisindən bəd xəbər gəlib.
Rusiyanın dövlət kosmos şirkəti Roskosmos tərəfindən bu gün edilən açıqlamada, dünən yerli vaxtla saat 14:57-dən sonra Luna-25 ilə əlaqənin kəsildiyini bildirib.
“Nəticədə vasitə gözlənilməz bir orbitə girdi və fəaliyyətini dayandırdı. Ayın səthi ilə toqquşdu”-, deyə bildirilib.
Sabah uğurlu eniş etməsi gözlənilən Luna-25-in su izlərinin təsbit edildiyi Ayın cənub qütb bölgəsində bir il xidmət etməsi planlaşdırılırdı.
Medianews.az
