Media
ABŞ-da qəlyan mağazasına silahlı hücum olub.
Medianews.az xəbər verir ki, ABŞ- ın Vaşinqton ştatında qəlyan dükanına silahlı hücum nəticəsində 3 nəfər ölüb, 6 nəfər yaralanıb.
Polisin verdiyi məlumata görə, silahlı şəxslər qəlyan dükanına hücum edib. Hücumda güllə hədəfi olan 22 və 33 yaşlı 2 kişinin hadisə yerində, 30 yaşlı qadının isə aparıldığı xəstəxanada dünyasını dəyişdiyi bildirilib.
Polis 21-38 yaşlarında olan altı yaralıdan birinin vəziyyətinin ağır olduğunu, digərlərinin isə vəziyyətinin stabil olduğunu bildirib.
Hadisə yerindən 5 silah tapıldığını qeyd edən polis, şübhəliləri haqqında məlumat verməyib.
Hücumun səbəbləri araşdırılır.
Medianews.az
