Media
Ukrayna müharibəsində 18 aydır davam edən münaqişələri pilotsuz uçuş aparatları idarə edir.
Medianews.az xəbər verir ki, Ukrayna istifadə etdiyi pilotsuz təyyarələrlə müharibədə irəliyə doğru addım atarkən, ABŞ-ın ən böyük qəzetlərindən biri olan “Washington Post” Rusiyanın əks hərəkətə hazırlaşdığını iddia edib.
Belə ki, qəzet Rusiyanın gizli hərbi bazada “İran dizaynlı Şahed” hücum pilotsuz təyyarələri istehsal etdiyini iddia edib
Qəzetin iddiasına görə, rus mühəndisləri 2025-ci ilə qədər 6 minə yaxın təkmil pilotsuz uçuş aparatı istehsal etməyi planlaşdırır.
Peyk görüntülərinə və sızan sənədlərə görə, Moskva administrasiyası gizli hərbi bazada “İran dizaynlı Şahed” hücum pilotsuz təyyarələri istehsal edir.
Sızdırılan sənədlər ölkədən çıxmamaq üçün pasportları müsadirə edilən işçilərin layihəyə istinad etmək üçün “kod adlarından” istifadə etdiyini göstərir.
The Washington Post qeyd edib ki, proqram 14 futbol meydançası böyüklüyündə bir obyektdə keçirilsə də, ciddi şəkildə qorunan dövlət sirridir.
İstehsal ediləcək PUA-Ların orijinal Şahedlərdən daha böyük və daha yüksək standartlara malik olacağı gözlənilir.
“Washington Post” kod adı “Project Boat” olan layihənin bürokratik maneələr üzündən gecikdiyini və qrafikdən 5 həftə geri qaldığını yazıb .
Qəzetin yazdığına görə, Alabuqa mühəndisləri həm də logistik problemlərlə mübarizə aparırlar.
Qəzet qeyd edib ki, nə Kreml, nə də İran məsələ ilə bağlı hər hansı şərh verməyiblər.
Medianews.az
