Media
ABŞ və Cənubi Koreyanın genişmiqyaslı hərbi təlimə hazırlaşdığı bir vaxtda Şimali Koreya lideri Kim Çen In kritik addım atıb.
Medianews.az xəbər verir ki, Kim Çen In orduya müharibə planlarını yekunlaşdırmağı tapşırıb.
Koreya Mərkəzi Xəbər Agentliyinin (KCNA) məlumatına görə, Kim Çen Inın sədrliyi ilə Koreya İşçi Partiyasının Hərbi Komissiyasının iclasında ordunun döyüş hazırlığı və düşmənlərə qarşı hücum planları müzakirə olunub.
Kim Çen In sərhəd qoşunlarının artırılması, real döyüş təlimlərinin keçirilməsi, yeni strategiyaların və silahların hazırlanması ilə bağlı danışıqlardan sonra orduya müharibə planlarını yekunlaşdırmağı tapşırarkən “vacib hərbi tədbirlərin həyata keçirilməsi” haqqında qərar da imzalayıb.
Kim Çen Inın görüş zamanı xəritədə Cənubi Koreya əhalisinin yarısının məskunlaşdığı paytaxt Seul şəhəri və ətrafındakı Koreya yarımadasını müzakirə etməsi də diqqət çəkib.
Kim Çen In iclasda Pak Su-ilin yerinə Ri Yonq Gili Baş Qərargah rəisi təyin etdiyini də açıqlayıb.
Lakin müdafiə naziri olan Pakın bu vəzifəni davam edib-etməyəcəyi ilə bağlı məlumat paylaşılmayıb.
