Media
Səyyah tropik meşələrin dərinliklərində yaşayan və müasir həyatla heç bir əlaqəsi olmayan qəbilə ilə dostluq etməyə çalışan zaman faciəvi şəkildə öldürülüb.
Medianews.az xəbər verir ki, bu barədə Radio aparıcısı Julian Dorey ilə danışan ekoloq Paul Rosolie məlumat verib.
Onun dediklərinə əsasən, Manu Milli Parkının ətrafında yaşayan bir adam meşəyə getməyə başlayıb və oradakı əhaliyə banan qalaqları və digər faydalı məhsulları həmin qəbilə üçün daşımağa başlayıb.
Köçəri ovçuların nə ayaqqabıdan, nə də paltardan istifadə etmədiyini qeyd edən ekoloq, bir il ərzində müxtəlif yemək və alətləri onlara verdikdən sonra bu adamın tayfanın etibarını qazana biləcəyini düşündüyünü bildirib.
Rosolie bildirib ki, onun meşəyə qoyub-getdiyi əşyaları və qidaları qəbilə adamları götürməyə başlayıb və bir müddət sonra onlar arasında ünsiyyət yaranıb. Hətta kəşfiyyatçı onların dilində bir sıra sözləri də öyrənibmiş.
Lakin hər nə baş veribsə, bir gün qəbilə sakinləri həmin kəşfiyyatçıdan təhlükə hiss ediblər və onu zəhərli oxlar vasitəsilə öldürüblər.
Ekoloq bildirib ki, sözügedən kəşfiyyatçının niyə öldürüldüyü hələ də tapılmayıb.
Mütəxəssislər xəbərdarlıq ediblər ki, Amazon meşələrinin ucqar guşələrində yaşayan son bir neçə qəbilə təhlükə hiss etdikdə ölümcül güclə cavab verə bilər və hətta onlarla dost olmağa cəhd də faciəyə səbəb ola bilər.
Medianews.az
