Media
“Əlil Qadınlar Cəmiyyəti” maarifləndirici seminar təşkil edib.
“Bakı, Gəncə, Quba, Qusar və Xaçmaz zonalarında əlilliyi olan qadın və qızların dövlət xidmətlərinə çıxışının təkminləşdirilməsi” layihəsi üzrə seminar keçirilib.
Bu barədə cəmiyyətin sədri Məhluqə Rəhimova televiziyamıza müsahibə verib. “Bu gün yenə əlilliyi olan qız və qadınlarımızla yanaşı, digər sahələrdən olan vətəndaşlara da seminar keçirik. Bu, BMT yanında Etimat fondunun maliyə dəstəyi ilə “Bakı, Gəncə, Quba, Qusar və Xaçmaz zonalarında əlilliyi olan qadın və qızların ictimaiyyətə, dövlət xidmətlərinə çıxışının təkminləşdirilməsi” layihəsidir. Bu gün biz bir qəribəlik yaratdıq. Tədbirə əlil qadınları, həmçinin, Azərbaycan və İncəsənət Universitetlərinin sosial sahə üzrə kafedrasının tələbələrini çağırdıq. Çünki onlar cəmiyyətə hazırlanırlar. Sosial sahədə necə işləmək, necə davranmaq, yanında olan dostlarına necə kömək etmək, əlilliyi olan qız və qadınları gördükdə onlarla necə ünsiyyət yaratmaq lazımdır, problemləri necə öyrənmək və yaxud da bu sahədə maraqlandıqları hər hansısa bir layihəni necə gerçəkləşdirmək izah olunur. Məqsədimiz həmin gəncləri inkişaf etdirməkdi”, – tədbirin təşkilatçısı bildirib.“Əlil Qadınlar Cəmiyyəti”nin inkşafından da danışan M.Rəhimovanın sözlərinə görə, artıq onlardan iki nəfəri “Əlillər Təşkilatları İttifaqı”nda təlimlər keçir. Alternativ hesabatlar hazırlanmasında yaxından iştirak edir. Digər bir xanımımız isə orta məktəbdən erkən ayrılıb. O bu gün məşğulluq sahəsində özünü təsdiq etmək, sınamaq istəyir. Bir qızımız da artıq ona evdə dərs keçir. Baxın bütün bunlar yeniliklərdir, atılan addımlardır. Bu keçiridiyimiz layihələrin uğurlu nəticələridir”, – cəmiyyətin sədri vurğulayıb.
