Media
Türkiyənin Bursa şəhərində evliliyinə qarşı çıxan 45 yaşlı atası Erkan Şirineli ov tüfəngi ilə güllələyərək öldürən 21 yaşlı gənc ömürlük həbs cəzasına məhkum edilib.
Medianews.az xəbər verir ki, Emirhan Şirinel adlı gəncin məhkəmədə verdiyi ifadə hər kəsi təəccübləndirib.
Hadisə ötən il mart ayının 18-də baş verib. Sevgilisi ilə evlənmək istədiyini deyən Emirhan Şirinel buna qarşı çıxan atası Erkan Şirinellə mübahisə edib. Baş verən mübahisdəd Emirhan Şirinel ov tüfəngi ilə atasını vuraraq öldürüb. Polisə zəng edərək atasının intihar etdiyini deyən Emirhan Şirinel ziddiyyətli ifadələr verdikdən sonra saxlanılıb.
Dindirilməsi zamanı cinayətini etiraf edən şübhəli gətirildiyi məhkəmə tərəfindən həbs edilib.
Bursa 6-cı Ağır Cəza Məhkəməsində mühakimə olunan Emirhan Şirinel, psixoloji problemləri olduğunu və əvvəlki ifadələrində də atasının sevgilisi ilə evlənməsinə qarşı olduğunu bildirən gənc məhkəmədə son çıxışını edib: “O axşam sevgilimin ailəsinin qapıya gəldiyini düşündüm. Atamın əsəbiləşib sevgilimə zərər verəcəyindən qorxdum. Mübahisə zamanı atamın sol əlini qaldırdığını görüb, əlini vurmaq üçün tətiyə basdım. Daha sonra yaşaması üçün ürək masajı etdim, yarasına tampon qoydum. Atamı çox sevirəm. Çox üzgünəm, peşmanam”.
“Ailəmə layiqli oğul ola bilmədim. Çavuş olmaq arzusunda idim. Bu da olmadı. Üzr istəyirəm, verilən qərara hörmətlə yanaşıram”,-deyə 21 yaşlı gənc son sözlərini yekunlaşdırıb.
Məhkəmə kollegiyası Emirhan Şirineli ‘qəsdən adam öldürmə’ maddəsi ilə ağırlaşdırılmış ömürlük həbs cəzasına məhkum edib.
