Türkiyənin Mersin şəhərində qan donduran hadisə yaşanıb.
Medianews.az xarici mediaya istinadla xəbər verir ki, 12 yaşlı uşağın cəsədi binanın zirzəmisində xalçaya bükülmüş halda aşkarlanıb.
Belə ki, suriyalı zərgər Halit Hayankedin 12 yaşlı oğlu dünən günorta saatlarında binanın bağçasında oynayarkən qəfildən itib.
Bir müddət sonra telefonla ailəyə zəng edən şəxs uşağı oğurladığı və 400 min avro versələr, uşağı buraxacağını, polisə xəbər versələr, öldürəcəklərini bildirib.
Ata polisə müaricət edib və polislər hadisəni araşdırmağa başlayıb.
Təhlükəsizlik kamerası görüntülərini araşdıran polis uşağın binanı tərk etmədiyini müəyyən edib.
Araşdırmalarını davam etdirən polis 3 bloklu binanın A blokunun zirzəmisinə girən zaman 12 yaşlı uşağın xalçaya bükülmüş cəsədini aşkarlayıb.
Boğularaq öldürüldüyü təsbit edilən uşağın cəsədi, yarılmadan sonra torpağa tapşırılıb.
Aparılan araşdırmalar nəticəsində məlum olub ki, cinayəti binanın qapıçısı törədib.
Çünki zirzəminin açarının yalnız qapıçıda olduğu, hadisə baş verən gün binanın təhlükəsizlik kameralarının söndürüldüyünü polis müəyyən edib.