Həyat yoldaşının boğazını kəsərək öldürən şəxsə ÖMÜRLÜK CƏZA – VİDEO, FOTO

Türkiyənin Elazığ şəhərində boşanma prosesində olan həyat yoldaşı Aslıhan Alkılıncın boğazını kəsən şəxsə ömürlük həbs cəzası verilib.

Medianews.az xəbər verir ki, qətli törədən şəxs hadisə zamanı qayınanası Şule B.-yə bıçaqla xəsarət yetirib.

Araşdırmalar zamanı həmin şəxsin qətli törətmədən əvvəl internet axtarış sistemindən “Şizofreniya nədir”, “Xəyanətkar arvadını öldürməyin cəzası”, “Aldadıcı mesajlar” və “Hansı xəstəliklərdə cinayət məsuliyyəti yoxdur” kimi axtarışlar etdiyi müəyyən edilib.

Qeyd edək ki, sözügedən qətl hadisəsi 2020-ci il, iyunun 9-da baş verib.

Ali Alkılınç boşanma prosesində olan 34 yaşlı həyat yoldaşı Aslıhan Alkılıncın anası Şule B.-nin evinə gələrək özünü təcili yardım işçisi kimi təqdim edərək evə daxil olub. Ali Alkılınç əvvəlcə qayınanası Şule B.-ni ayağından bıçaqlayıb, daha sonra həyat yoldaşı Aslıhan Alkılıncın boğazını kəsərək öldürüb.

Medianews.az