Hərbi çevriliş təhlükəsi: hava limanı bağlandı

Sudanda hərbi çevriliş nəticəsində Xartum hava limanı bağlanıb.

Medianews.az Publika.az-a istinadən xəbər verir ki, Sudan hökumətinin üsyançı adlandırdığı “Çevik Reaksiya Qüvvələri” ilə ölkənin nizami ordusu arasında toqquşmalar fonunda Xartum Beynəlxalq Hava Limanı uçuşları dayandırıb.

Yerli KİV-in məlumatına görə, paytaxtın hava limanı təhlükəsizliklə bağlı bütün reysləri ləğv edib. Eyni zamanda Sudan Çevik Müdaxilə Qüvvələri Xartum və Merowe hava limanlarını nəzarətə götürdüklərini açıqlayıb.

Bundan əvvəl Sudan ordusu Çevik Reaksiya Qüvvələrinin Xartum və digər şəhərlərə yerləşdirilməsinin hərbçilərlə razılaşdırılmadan həyata keçirildiyini bildirib. Xartumdakı RRF düşərgəsi yaxınlığında atəş səsləri eşidildiyi bildirilir. RRF nümayəndələri ordu hissələrinin onların Xartumdakı bazasına hücum etdiyini bəyan ediblər.