Media
Bir qrup Avropa əsilli Aşkenazi yəhudilərindən olan məktəbli qızının İsraildəki ərəb əsilli Mizrahi yəhudilərini irqçi şəkildə ələ saldığı video İsrail siyasətinin gündəminə düşüb.
Medianews.az xəbər verir ki, İsrailin baş naziri Binyamin Netanyahu video ilə bağlı yazılı açıqlamasında ölkədə ayrı-seçkiliyə yer olmadığını bildirib.
“Jerusalem Post”un xəbərinə görə, Qərbi Qüdsdəki “Ulpanat Horev Qız Liseyi”nin şagirdləri tərəfindən çəkilən və məktəbin sosial media hesabından paylaşılan videoda Aşkenazi yəhudi qız tələbələrin “dərsdə davranış, musiqi zövqü” kimi mövzularda mizrahiləri ələ saldıqları görülüb.
Sosial şəbəkələrdə yayılan videoya reaksiyalardan sonra həmin video məktəbin sosial media hesabından silinib. Məktəbdən verilən açıqlamada, sözügedən məzmunun yumoristik məqsədlər üçün hazırlandığı və səbəb olduğu qalmaqala görə üzr istənildiyi bildirilib.
Medianews.az
