ABŞ-da ekoloji fəlakətə çevrilə biləcək fövqəladə hadisə baş verib.
Medianews.az xəbər verir ki, ABŞ-ın İndiana ştatında plastik emalı zavodunda güclü yanğın baş verib.
Kəskin tüstü səbəbindən hadisə yerindən bir kilometr radiusda yaşayan hər kəs təxliyə edilib.
Təxminən 2 min insan evlərini tərk edərək müvəqqəti məskunlaşma mərkəzlərinə köçürülüb.
Təhlükəli zonadan kənarda olanlara səlahiyyətlilər evdə qalmaq, pəncərə və qapıları bağlamaq tövsiyə olunub.
Hazırda yanğınsöndürənlər hadisə yerindədir.
Qeyd edək ki, ABŞ-da kimyəvi qəzaların sayı artmaqdadır. Statistikaya görə, belə hadisələr tez-tez qeydə alınır. Ekoloqlar bunu Ağ Evin onilliklər ərzində infrastruktura sərmayə qoymaması ilə əlaqələndirirlər.
Medianews.az