Müharibə ilə bağlı məxfi plan ORTAYA ÇIXDI – ŞOK DETAYLAR…

ABŞ-ın Ukrayna müharibəsi ilə bağlı məxfi sənədləri sosial mediaya sızıb.

Medianews.az xəbər verir ki, ABŞ Müdafiə Nazirliyi Pentaqon, ABŞ və NATO-nun Rusiyaya qarşı Ukrayna ordusunu gücləndirməyə yönəlmiş gizli müharibə planlarının Twitter və Telegram-a sızdırılması ilə bağlı araşdırmaya başladığını açıqlayıb.

“New York Times” qəzetinin xəbərinə görə, Ukraynanın gözlənilən əks hücumu ilə bağlı ABŞ və Ukrayna arasında aparılan danışıqların yer aldığı məxfi sənədlərdə Ukraynanın əsgər və silahlarının sayı kimi Rusiya üçün faydalı məlumatların olması diqqət çəkir.

İlkin sənədlərdə bəzi dəyişikliklər edildiyi və öldürülən rus əsgərlərinin sayının az olduğu bildirilib. Digər tərəfdən, Ukraynaya silah göndərilməsinin təfərrüatlarının və Ukrayna ordusunun fotoşəkillərinin sızmasının ABŞ kəşfiyyatı üçün çox ciddi məlumat sızması olduğu qeyd edilib.

“The New York Times” yazıb ki, ABŞ hakimiyyətinin yazıları silmək cəhdləri uğurlu olmayıb. Pentaqonun sözçüsü Sabrina Sinq bildirib ki, sosial media yazıları ilə bağlı xəbərləri nəzərdən keçiririk.

Aytac Şahin

Medianews.az