Media
Braziliyada qeyri- adi olay baş verib.
Braziliyada qəbiristanlıq işçiləri məzarda diri-diri basdırılmış qadını xilas ediblər.
Belə ki, qəbirqazanlar kömək çağırışlarını eşidib və qadını taparaq polisə müraciət ediblər.
Hadisə yerinə gələn polis zərərçəkmişi xilas edib.
O, kəllə-beyin travması səbəbindən xəstəxanaya aparılıb.
Zərərçəkənin dediyinə görə, iki maskalı şəxs onu qəbiristanlığa aparıb, daha sonra döyərək qəbrə qoyub. Qəbri sement və kərpiclə möhürləyiblər.
Hərbi polisdən verilən məlumata görə, qadın narkotik maddələrin satışı ilə məşğul olub, lakin bu dəfə o, malı itirib. Bu səbəbdən o, cinayətkarların qurbanına çevrilib.
Bildirilir ki, hüquq-mühafizə orqanlarının əməkdaşları artıq cinayətkarları müəyyən edib və hazırda onları axtarırlar.
Medianews.az
