Media
Artıq bir neçə gündür ki, ayların sultanı Ramazan daxil olub. Bu ayın ən vacib əməllərindən biri də oruc tutmaqdır.
Bəs sağlam və kökəlmədən oruc tutmağın yolları hansıdır?
Medianews.az xəbər verir ki, Qidalanma və Dietologiya kafedrasının təlimatçisi Qonca Ünal oruc tutarkən nəzərə alınmalı məqamları bizlərlə paylaşıb.
Qonca Ünal bildirib ki, insan oruc olan zaman qanda şəkər aşağı düşdüyü üçün qısa zamanda çoxlu qida qəbul etmək istəyir:
“Edilən ən böyük səhvlərdən biri də qidaların eyni anda daha tez istehlak edilməsidir. Xüsusilə iftarda yeyilən ağır və yağlı yeməklər, şirniyyatlar metabolizmimizi yorur və mədəmizi pozur. Mədənizi yüngülləşdirmək üçün qatı yeməyə keçməzdən əvvəl şorba ilə başlamaq sağlam seçim olardı.
Odur ki, iftarınızı isti bir kasa şorba ilə açıb 15-20 dəqiqə gözlədikdən sonra əsas yeməyi yemək və əsas yemək kimi az yağlı ət, toyuq , balıq və tərəvəz yeməklərini seçməkdə fayda var. İftardan 1-2 saat sonra meyvə və ya südlü desertlər yeyilə bilər. Bu sayədə həm sağlamlıq probleminiz olmayacaq, həm də Ramazanı kökəlmədən keçirə bilərsiniz”.
Ramazan ayında sahura qalxmağın çox vacib olduğunu bildirən Dr. Təlimatçı Qoca Ünal sözlərinə belə davam etdi:
“Sahurda zülal, tərəvəz və lif əsaslı pəhriz yemək qanda şəkər tarazlığına, sağlam həzmə, daha enerjili və dolğunluğa səbəb olur. Sahurda həzm edilməsi çətin olan, şəkər və yağ baxımından yüksək olan qidaların qəbulu həm yuxunuzun keyfiyyətinə təsir edir, həm də sağlamlığınızı pozur. Sahurda bütün günü bizi enerjili və tox saxlayacaq qidalar seçməliyik. Bunlar pendir, yumurta, zeytun, meyvə, pomidor, xiyar,o cümlədən 2 dilim qəhvəyi və çoxdənəli çörək,qoz ola bilər, badam, yulaf ezmesidir”.
Təlimatçı Qoca Ünal onu da qeyd etdi ki, iftarla sahur arasında çoxlu su içilməlidir:
“Sudan əlavə tərkibində kofein olan içkilər, süd, ayran, adi soda, təzə sıxılmış meyvə-tərəvəz şirələri, bitki çayları yerinə cökə və itburnu kimi çaylara üstünlük verilə bilər. Dəyişikliklərə görə meydana gələ biləcək qəbizliyin qarşısını almaq üçün maye istehlakına xüsusi diqqət yetirilməlidir. Qaynadılmış, bişmiş, buxarda bişirilmiş kimi sağlam üsullarla hazırlanan yeməklərə üstünlük verilməlidir. Qovrulmuş və qızardılmış qidalardan uzaq durulmalıdır”-, deyə fikirlərini tamamlayıb.
Medianews.az
