Adanada Kasım Sarı (40) mübahisə etdiyi həyat yoldaşı Sultan Sarının (40) boğazını kəsərək motosikletlə qaçıb. Xəstəxanaya aparılan Sultan Sarı dünyasını dəyişib. Polis şübhəli Kasım Sarının tutulması üçün əməliyyata başlayıb.
Medianews.az bildirir ki, Adanada hadisə səhər saat 11:00 radələrində Seyhan rayonu Dağlıoğlu məhəlləsində 2 mərtəbəli evin birinci mərtəbəsində baş verib. Kasım Sarı naməlum səbəbdən həyat yoldaşı, 3 uşaq anası Sultan Sarı ilə mübahisə edib.
Qısa müddətdə davaya çevrilən müzakirədən sonra Kasım Sarı bıçaqla arvadının boğazını kəsib. Evdən çıxan Kasım Sarı motosikletinə minərək hadisə yerindən qaçıb. Qapını sürünərək açan Sultan Sarı qonşularından kömək istəyib. Hadisə yerinə polis və tibb işçiləri göndərilib.
İlkin tibbi yardım göstərilən Sultan Sarı aparıldığı özəl xəstəxanada dünyasını dəyişib. Sultan Sarının cansız bədəni yarılma üçün Adana Ədliyyə Tibb Təşkilatı meyitxanasına aparılıb. Cinayət Bürosu qrupları, şübhəli Kasım Sarı’nın tutulması üçün iş başlatdı.