Media
Martın 23-dən Bakının Xəzər rayonu ərazisində yerləşən Abşeron Milli Parkına müntəzəm avtobus marşrutu açılacaq.
Medianews.az xəbər verir ki, bu barədə parkın direktoru Etibar İbrahimov Facebook səhifəsində yazıb.
“Martın 23-dən metronun “Koroğlu” stansiyasından Abşeron Milli Parkına və əksinə yeni marşrut xətti açılacaq. Avtobus marşrutu bayram günlərində martın 23-dən 26-dək, sonrakı dövrdə – şənbə və bazar günləri fəaliyyət göstərəcək”.
Sərnişin daşınması “Zirə Bələdiyyəsi Nəqliyyat Xidməti” MMC tərəfindən həyata keçiriləcək.
Avtobus saat 10:30-da metronun Koroğlu stansiyasından yola düşəcək və Abşeron Milli Parkından saat 16:30-da qayıdacaq.
Qeyd edək ki, Abşeron Milli Parkının ərazisi 783 hektardır. Park 2005-ci ildən ictimaiyyət üçün açıqdır.
