Ukrayna müharibəsindən bir il sonra ABŞ və Rusiya arasında Qara dənizlə bağlı gərginlik qəfildən böyük əks- səda yaratdı.
Medianews.az xəbər verir ki, ABŞ-ın Avropa Qüvvələri Komandanlığı (EUCOM) dünən Rusiyanın iki Su-27 təyyarəsinin Qara dənizdə ABŞ-a məxsus MQ-9 Pilotsuz Uçan Aparatını vurduğunu və təyyarələrdən birinin qəzaya uğramasından sonra MQ-9-un beynəlxalq sulara çırpıldığını açıqlayıb.
Hadisəni “çox təhlükəli və qeyri-peşəkar” adlandıran ABŞ Rusiyanın Vaşinqtondakı səfirini Xarici İşlər Nazirliyinə çağırıb.
ABŞ Hərbi Hava Qüvvələrinin Avropa və Afrika üzrə komandanı general Ceyms B. Hekker: “MQ-9 təyyarəmiz beynəlxalq hava məkanında Rusiya təyyarəsi tərəfindən vurulduğu zaman adi əməliyyatlar həyata keçirirdi”.
Bu arada ABŞ-ın müttəfiqi Britaniyanın müdafiə naziri Ben Uolles də Rusiyanı beynəlxalq hava məkanına hörmətlə yanaşmağa çağıraraq Vaşinqtonu dəstəkləyib.
Rusiya Müdafiə Nazirliyi insidentdə döyüş təyyarəsinin ABŞ pilotsuz təyyarəsini vurmasını təkzib edib və pilotsuz təyyarənin “qəfil manevr” nəticəsində qəzaya uğradığını müdafiə edib və buna görə də ABŞ – ı ittiham etdi.
Medianews.az